នៅព្រឹកថ្ងៃពុធទី៣០ ខែកក្កដា ឆ្នាំ២០២៥ ឯកឧត្ដម ឆាយ វណ្ណា លេខាធិការ​គណៈកម្មការ​ទី៥ព្រឹទ្ធសភា  និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញដឹកនាំគណៈហាកិម និងក្រុមយុវជនចុះសួរសុខទុក្ខ និងយកស្បៀងអាហារ គ្រឿងឧបភោគបរិភោគ និងសម្ភារៈប្រើប្រាស់ចាំបាច់ជាច្រើនរបស់គណៈកម្មាធិការវិហារអ៉ិស្លាម ម៉ាស្ជិទអាល់អាក់ឡាភូមិព្រែកតាពៅ ក្រុមកាងារយុវជន និងប្រជាពលរដ្ឋដែលស្ថិតនៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ  ជូនដល់បងប្អូនប្រជាពលរដ្ឋភៀសសឹកពីតំបន់ព្រំដែនកម្ពុជា-ថៃ ដែលកំពុងស្នាក់នៅទីសុវត្ថិភាពនៅក្នុងក្រុងសំរោង និងនៅវត្តភ្នំដី ឃុំក្រសាំង ស្រុកចុងកាល់ ខេត្តឧត្តរមានជ័យ ចំនួន១១៥គ្រួសារ និងចំនួន១៨៥គ្រួសារទៀត ប្រគល់ជូនសាលាខេត្តចាត់ចែងជូនប្រជាពលរដ្ឋ។
កម្មវិធីនេះមានការអញ្ជើញចូលរួមពីសំណាក់ ឯកឧត្តម អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អភិបាលខេត្ត  លោក លោកស្រី ក្រុមការងារ ប្រជាពលរដ្ឋ ព្រមទាំងអ្នកដែលពាក់ព័ន្ធជាច្រើនរូបផងដែរ៕

សម្រួលខ្លឹមសារ៖ នាយកដ្ឋានព័ត៌មាន