ឯកឧត្ដម ឈើយ ចាន់ណា អញ្ជើញចូលរួមរំលែកមរណទុក្ខក្នុងពិធីបុណ្យសពវេជ្ជបណ្ឌិត ប៊ូ វិបោន អនុប្រធានមន្ទីរពេទ្យបង្អែកក្រុងសិរីសោភ័ណ
នៅព្រឹកថ្ងៃចន្ទ ទី១៨ ខែសីហា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៤ រួមជាមួយ ឯកឧត្ដម ប្លែក វារី ប្រធានក្រុមប្រឹក្សាខេត្ត បានអញ្ជើញចូលរួមរំលែកមរណទុក្ខជាមួយលោកស្រី ជា គឹមឡេង ត្រូវជាភរិយាសពវេជ្ជបណ្ឌិត ប៊ូ វិបោន អនុប្រធានមន្ទីរពេទ្យបង្អែកក្រុងសិរីសោភ័ណ បានទទួលមរណភាពនៅម៉ោង១០:១៥នាទីព្រឹក ថ្ងៃអាទិត្យ ទី១៧ ខែសីហា ឆ្នាំ២០២៥ ក្នុងជន្នាយុ ៤៩ឆ្នាំ ដោយរោគាពាធ ។
សពវេជ្ជបណ្ឌិត ប៊ូ វិបោន បានតម្កល់ធ្វើបុណ្យនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ សូមឧទ្ទិសបួងសួងដល់ដួងវិញ្ញាណវេជ្ជបណ្ឌិត បានទៅកាន់សុគតិភព កុំបីឃ្លៀងឃ្លាតឡើយ។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
