នាថ្ងៃទី១៨ ខែកញ្ញា ឆ្នាំ២០២៥ វេលាម៉ោង ១១:០០នាទីព្រឹក ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអញ្ជើញទៅទស្សនកិច្ចសិក្សា នៅសិប្បកម្មផលិត និងកែច្នៃប្រហុក ផលិតផលរបស់កម្ពុជា (CONFIREL Prahok Manufacturing) ដោយមានការចូលរួមពីទីប្រឹក្សា ថ្នាក់ដឹកនាំខុទ្ទកាល័យ និងលោកគ្រូ អ្នកគ្រូ នៃវិទ្យាស្ថានជាតិកសិកម្មព្រែកលៀប ដែលមានទីតាំងនៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
ឧកញ៉ា ហៃ លីអ៊ាង ម្ចាស់សិប្បកម្មផលិតម្សៅប្រហុកបានបញ្ជាក់ថា សិប្បកម្មរបស់លោកអាចផលិតប្រហុកបាន៥ប្រភេទ ដែលអាចប្រើជាគ្រឿងផ្សំធ្វើនំភីហ្សា មានរសជាតិឆ្ងាញ់មិនចាញ់ភីហ្សាអឺរ៉ុប ហើយគ្រោងលក់ចេញទៅទីផ្សារអន្តរជាតិ ផងដែរ។
ឆ្លៀតក្នុងឱកាសនោះ ឯកឧត្តមបណ្ឌិត ក៏បានលើកទឹកចិត្តនិងសម្របសម្រួល រវាងវិទ្យាស្ថាន ជាមួយនឹងវិស័យឯកជន ដើម្បីពង្រឹងការស្រាវជ្រាវ និងកែច្នៃម្ហូបអាហារក្នុងស្រុកសម្រាប់ការផ្គត់ផ្គង់តម្រូវការក្នុងស្រុកក៏ដូចជាសម្រាប់ការនាំចេញ និងលើកទឹកចិត្តឱ្យមានការគាំទ្រផលិតផលខ្មែរបន្ថែមទៀត។
ខ្លឹមសារ៖ ខុទ្ទកាល័យឯកឧត្តមបណ្ឌិតអនុប្រធានទី២ ព្រឹទ្ធសភា
រូបភាព៖ នាយកដ្ឋានព័ត៌មាន
