ឯកឧត្តម ឡៅ ឆន បានអញ្ជើញជាអធិបតី ដើម្បីជួបពិភាក្សាពិគ្រោះយោបល់ជាមួយក្រុមប្រឹក្សាស្រុក សង្កាត់ និងភូមិ មេប៉ុស្តិ៍សង្កាត់ ទូទាំងស្រុកចុងកាល់
នៅរសៀល ថ្ងៃទី១ ខែមីនា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាអធិបតីជាមួយ ឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ ឯកឧត្តម ប៉ែន កុសល្យ អភិបាលខេត្ត ឯកឧត្តម ស៊ី ប្រាសិទ្ធ ប្រធានក្រុមប្រឹក្សាខេត្ត ដើម្បីជួបពិភាក្សាពិគ្រោះយោបល់ជាមួយក្រុមប្រឹក្សាស្រុក សង្កាត់ និងភូមិ មេប៉ុស្តិ៍សង្កាត់ ទូទាំងស្រុកចុងកាល់ អ្នកចូលរួមសរុប ចំនួន១១៩នាក់ ដើម្បីក្តាប់អំពីការលំបាក និងសំណូមពរ ដែលរដ្ឋអំណាច ស្រុក ឃុំ បានដោះដោះស្រាយជូនប្រជាពលរដ្ឋនៅមូលដ្ឋាននាពេលកន្លងមក។ ក្នុងឱកាសនោះ ឯកឧត្តមប្រធាន បានផ្តល់នូវអនុសាសន៍មួយចំនួន ក្នុងការផ្តល់សេវាសាធារណៈជូនប្រជាពលរដ្ឋដោយតម្លាភាព និងគុណភាព ពិសេសត្រូវគោរពតាមគោលការណ៍ ៣កុំ និង៣ការពារផងដែរ ស្ថិតនៅសាលប្រជុំសាលាស្រុកចុងកាល់ ខេត្តឧត្តរមានជ័យ។
