លោកជំទាវ ឃួន ឃុនឌី បានអញ្ជើញជាគណៈអធិបតីក្នុងពិធីសំណេះសំណាល អបអរសាទរខួបលើកទី១១២ ទិវាអន្តរជាតិនារី៨មីនា ឆ្នាំ២០២៣
នាព្រឹកថ្ងៃទី១៣ ខែកុម្ភៈ ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកាព្រឹទ្ធសភាភូមិភាគទី៨ បានអញ្ជើញជាគណៈអធិបតីក្នុងពិធីសំណេះសំណាល អបអរសាទរខួបលើកទី១១២ ទិវាអន្តរជាតិនារី៨មីនា ឆ្នាំ២០២៣ ក្រោមប្រធានបទ “ស្ត្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល” ក្រោមអធិបតីភាព លោកជំទាវខៀវ សុីណា ជា ចាន់តូ ដោយមានសមាសភាពថ្នាក់ដឹកនាំជាស្ត្រីអញ្ជើញចូលរួម រួមមាន៖ លោកជំទាវសមាជិកាក្រុមប្រឹក្សាខេត្ត លោកស្រីប្រធាន អនុប្រធានមន្ទីរអង្គភាពជុំវិញខេត្ត សមាជិកាក្រុមប្រឹក្សាទាំង៩ក្រុង/ស្រុក លោកស្រីអភិបាលរងទាំង៩ ក្រុង/ស្រុក លោកស្រីមេឃុំ សមាជិកាក្រុមប្រឹក្សាទាំង៨១ ឃុំ/សង្កាត់ លោកស្រីប្រធានការិយាល័យនារីទាំង៩ ក្រុង/ស្រុក លោកស្រីទទួលបន្ទុកកិច្ចការស្ត្រីនិងកុមារ ឃុំ/សង្កាត់ សរុបចំនួន២០៣នាក់ នាឱកាសនោះលោកជំទាវបានប្រគល់វត្ថុអនុស្សាវរីយ៍ និងតេស្តរហ័ស ដែលជាអំណោយរបស់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា ជូនដល់ឃុំ/សង្កាត់ទាំង៨១ ដោយក្នុងមួយឃុំៗទទួលបាន៥ប្រអប់ ស្ថិតនៅសាលប្រជុំសំបូរព្រៃគុក សណ្ឋាគារកំពង់ធំរ៉ូយ៉ាល់ ក្រុងស្ទឹងសែន ខេត្តកំពង់ធំ។
អត្ថបទពាក់ព័ន្ធ
