នាល្ងាចថ្ងៃទី១៤ ខែវិច្ឆិកា ឆ្នាំ២០២៥ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ព្រឹទ្ធសភា តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជេីញសួរសុខទុក្ខ និងនាំយកថវិកា សម្ភារៈមួយចំនួនជូនប្រជាពលរដ្ឋរងគ្រោះដោយព្រឹត្តិការណ៍បាញ់ប្រហារពីយោធាថៃ នៅភូមិព្រៃចាន់ ដែលកំពុងព្យាបាលនៅមន្ទីរពេទ្យកាល់ម៉ែត។
តាមរយៈលោកជំទាវបណ្ឌិត អ៊ុក ម៉ាលី, សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បានសំណេះសំណាលសួរសុខទុក្ខតាមទូរស័ព្ទផ្ទាល់ជាមួយប្រជាពលរដ្ឋរងគ្រោះទាំង៣រូប និងជូនពរឱ្យឆាប់ជាសះស្បើយ ពិសេសសម្រាកព្យាបាលឱ្យបានល្អប្រសើរ ដោយកុំមានការព្រួយបារម្ភ។ ក្នុងឱកាសនេះ សម្តេចប្រធានកាកបាទក្រហមកម្ពុជា បានឧបត្ថម្ភជូនអ្នកជំងឺទាំង៣រូប ដោយក្នុងម្នាក់ៗចំនួន១០លានរៀល និងគ្រួសារអ្នកជំងឺក្នុងម្នាក់ៗចំនួន ៥លានរៀលផងដែរ។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
