ឯកឧត្តម អ៊ុំ សារឹទ្ធ អញ្ជើញចូលរួមកិច្ចប្រជុំគណៈកម្មាធិការ អចិន្រ្តៃយ៍ហ្រ្វង់កូហ្វូនសីលធម៌ និងក្រមសីលធម៌សមាជិកសភា តាមប្រព័ន្ធនិម្មិត
នារាត្រីថ្ងៃពុធ ទី២៧ ខែសីហា ឆ្នាំ២០២៤ វេលាម៉ោង
១៩:៣០នាទី នៅសាលប្រជុំពិសេសកណ្តាល វិមានព្រឹទ្ធសភា ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាអនុប្រធានគណៈកម្មាធិការអចិន្រ្តៃយ៍នៃបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា បានអញ្ជើញចូលរួមកិច្ចប្រជុំគណៈកម្មាធិការអចិន្រ្តៃយ៍នៃបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា តាមប្រព័ន្ធនិម្មិត ដើម្បីត្រៀមរៀបចំរបៀបវារៈសម្រាប់មហាសន្និបាតប្រចាំឆ្នាំនៃបណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា ដែលនឹងប្រព្រឹត្តទៅពីថ្ងៃទី១ ដល់ថ្ងៃទី២ ខែតុលា ឆ្នាំ២០២៤ នៅសភាសហព័ន្ធវ៉ាឡូនីព្រុចសែល ព្រះរាជាណាចក្រប៊ែលហ្ស៊ិក។
អង្គប្រជុំបានពិនិត្យ ពិភាក្សា និងអនុម័តរបៀបវារៈដូចខាងក្រោម៖
១-អនុម័តកំណត់ហេតុ នៃកិច្ចប្រជុំកាលពីថ្ងៃទី៥ ខែកក្កដា ឆ្នាំ២០២៤។
២-អនុម័តថវិកាកញ្ចប់ថវិកាសម្រាប់ឆ្នាំ២០២៤។
៣-អនុម័តឱ្យរដ្ឋសភាបេណាំងចូលជាសមាជិកនៃបណ្តាញហ្រ្វង់កូហ្វូនសីលធម៌ និងសមាជិកសភា។
៤-អនុម័តសកម្មភាពសម្រាប់ឆ្នាំ ២០២៥-២០២៦។
៥-អនុម័តរបៀបវារៈសម្រាប់មហាសន្និបាតប្រចាំឆ្នាំ២០២៤។
ប្រភព៖ នាយកដ្ឋានព័ត៌មាន
