ឯកឧត្តម ម៉ាន់ ឈឿន និងលោកជំទាវ ព្រមទាំងក្រុមគ្រួសារ បានអញ្ជើញចូលក្រាបថ្វាយបង្គំសម្តេចព្រះវនរ័តកិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃគណៈមហានិកាយ នៃព្រះរាជាណាចក្រកម្ពុជា
នាថ្ងៃពុធ ទី០១ ខែមិថុនា ឆ្នាំ២០២២ វេលាម៉ោង១០:១០នាទី ស្របពេលជាមួយគ្នាដែលអាជ្ញាធរមូលដ្ឋានទាំង១០៥សង្កាត់ នៃខណ្ឌទាំង១៤ ក្នុងរាជធានីភ្នំពេញ ដែលបានខិតខំបំពេញភារកិច្ចផ្តល់សេវាសន្តិសុខ សណ្តាប់ធ្នាប់សាធារណៈ ការកសាងហេដ្ឋារចនាសម្ព័ន្ធរូបវ័ន្តនានា បានយ៉ាងល្អប្រសើរ ជាពិសេសការចូលរួមយ៉ាងសកម្មរបស់បងប្អូប្រជាពលរដ្ឋ ក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ បានយ៉ាងរលូនផងនោះ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាកទី១ និងលោកជំទាវ ព្រមទាំងក្រុមគ្រួសារ បានអញ្ជើញចូលក្រាបថ្វាយបង្គំសម្តេចព្រះវនរ័តកិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃគណៈមហានិកាយ នៃព្រះរាជាណាចក្រកម្ពុជា និងជាព្រះចៅអធិការវត្តចន្ទបុរីវង្ស ដោយបានចូលរួមប្រគេនបច្ច័យកសាងសមិទ្ធផលនានាក្នុងវិស័យពុទ្ធចក្រ នៅក្នុងបរិវេណវត្តចន្ទបុរីវង្ស ដោយទឹកចិត្តស្មោះត្រង់ ជ្រះថ្លាក្រៃលែង។
