សមាគមសង្គហៈមូលដ្ឋានមន្ត្រីរាជការ នៃអគ្គលេខាធិការដ្ឋានព្រឹទ្ធសភា បានប្រជុំផ្ទៃក្នុងក្រោមការដឹកនាំរបស់ឯកឧត្តម លី រិទ្ធី
នារសៀលថ្ងៃទី២៩ ខែមិថុនា ឆ្នាំ២០២២ សមាគមសង្គហៈមូលដ្ឋានមន្ត្រីរាជការ នៃអគ្គលេខាធិការដ្ឋានព្រឹទ្ធសភា បានប្រជុំផ្ទៃក្នុងក្រោមការដឹកនាំរបស់ឯកឧត្តម លី រិទ្ធី ប្រធានសមាគមសង្គហៈមូលដ្ឋានព្រឹទ្ធសភា
និងជាអគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ នៅសាលសិក្ខាសាលាខាងជើងវិមានព្រឹទ្ធសភា។
កិច្ចប្រជុំនេះ រៀបចំឡើងដើម្បីពិនិត្យពិភាក្សា៖
១-បូកសរុបលទ្ធផលការងាររបស់សមាគមសង្គហៈមូលដ្ឋាននៃអ.ព.ស ប្រចាំត្រីមាសទី២ និងទិសដៅការងារបន្ត ឆ្នាំ២០២២។
២-ធ្វើការកៀរគរសមាជិកសមាគមចូលរួមបង់ភាគទានប្រចាំឆ្នាំ២០២២ ឱ្យបានទាន់ពេល នឹងក្រើនរំលឹកដល់សមាជិកដែលមានភាពយឺតយ៉ាវ ឬពុំទាន់ទទួលបានព័ត៌មានក្នុងការបង់ភាគទាន។
៣-ស្ដាប់របាយការណ៍ចំណូល-ចំណាយថវិការបស់សមាគមប្រចាំឆមាសទី១ ឆ្នាំ២០២២។
៤-កៀរគរសមាជិកថ្មីបន្ថែម និងស្នើបញ្ជូនឈ្មោះសមាជិកសមាគមដែលពុំទាន់មាន ឬបាត់ប័ណ្ណសំគាល់សមាជិក។
ប្រភព៖នាយកដ្ឋានព័ត៌មាន
