គណៈកម្មការទី២ព្រឹទ្ធសភា អញ្ជើញទស្សនកិច្ចស្ថានីយ៍បុរាណបារាយណ៍អណ្តែត
នាព្រឹកថ្ងៃទី២៧ ខែកក្កដា ឆ្នាំ២០២២ គណៈប្រតិភូគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃព្រឹទ្ធសភា (គណៈកម្មការទី២) ដឹកនំាដោយឯកឧត្តម ជា ជេដ្ឋ ប្រធានគណៈកម្មការ បានអញ្ជើញទស្សនកិច្ចស្ថានីយ៍បុរាណបារាយណ៍អណ្តែត ដែលជាទីសក្ការបូជា ស្ថិតនៅសង្កាត់បារាយណ៍ ក្រុងព្រៃវែង ខេត្តព្រៃវែង។
ស្ថានីយ៍បុរាណបារាយណ៍អណ្តែត ជាទីតាំងសក្ការបូជា ដែលមានទំហំ១០០ម៉ែត្រការ៉េរាងមូល សំបូរទៅដោយដើមឈើធំ និងមានអាស្រមអ្នកតាជាច្រើនដូចជា អ្នកតាធំ អ្នកតាខ្លោងទ្វា អ្នកតាដំបងដែក លោកតាដំបង អ្នកតាក្រញ៉ូង អ្នតាកេសរ លោកតាវេសវ័ន លោកតាកងចក្រ លោកតាប្រសិទ្ឋិ លោកតាសំពៅមាស លោកយាយទេព លោកយាយម៉ៅ លោកយាយអាកាស ព្រងទាំងអ្នកតាផ្សេងៗជាច្រើនទៀត។
ប្រភព៖ នាយកដ្ឋានព័ត៌មាន
