នាព្រឹកថ្ងៃច័ន្ទ ទី២៩ ខែសីហា ឆ្នាំ២០២២ នៅទីបញ្ជាការបញ្ជាការដ្ឋានរថក្រោះ អគ្គបញ្ជាការប្រចាំទិសភូមិភាគទី៥ ស្ថិតនៅឃុំព្រះនេត្រព្រះ ស្រុកព្រះនេត្រព្រះ ខេត្ត បន្ទាយមានជ័យ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភានិងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាគណៈអធិបតីក្នុងពិធីចែកចង្ក្រានសន្សំសំចៃថាមពល ចំនួន២០០សង្ក្រាន ជូនគ្រួសារកងទ័ព និងប្រជាពលរដ្ឋ ភូមិប៉ោយក្ដឿង ដែលជាអំណោយដ៏ថ្លៃថ្លារបស់ក្រុមហ៊ុន Guangzhou lceberg Environmental Consulting Services Co., Ltd តាមរយះលោកបណ្ឌិត ជា មុនីឫទ្ធិ ប្រធានសមាគមន៍ស្រាវជ្រាវវឌ្ឍនភាពកម្ពុជា-ចិន ដោយមានការអញ្ជើញចូលរួមមាន ឯកឧត្តម អ៊ី ឡុង តំណាងរាស្ត្រខេត្តបន្ទាយមានជ័យ ឯកឧត្តមឧត្តមសេនីយ៍ទោ កែវ សេងឡាយ មេបញ្ជាការរងកងរថក្រោះ អគ្គបញ្ជារ និងជាមេបញ្ជាការកងរថក្រោះជួរមុខប្រចាំទិសភូមិភាគទី៥ ឯកឧត្តម ហ៊ូ ប៊ុនហេង ទីប្រឹក្សា ឯកឧត្តមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអជ្ញាធរជាតិប្រយុទ្ធប្រឆាំងគ្រឿងញៀន ព្រមទាំងលោកតំណាងអភិបាលស្រុក លោកមេឃុំ មេភូមិ ផងដែរ។ នាឱកាសនោះ ឯកឧត្តម បានផ្តាំផ្ញើរជូនដល់ប្រជាពលរដ្ឋឱ្យបន្តរស់នៅស្អាត មានអនាម័យ ថែទាំបរិស្ថាន បន្តការស់នៅតាមបែបគន្លងប្រក្រតីភាពថ្មី ដោយអនុវត្តវិធានការ ៣ការពារ ៣កុំ ទៅចាក់វ៉ាក់សាំងដូសមូលដ្ឋាន និងដូសជំរុញឱ្យបានគ្រប់ៗគ្នា។