នាព្រឹកថ្ងៃទី០៦ ខែកុម្ភៈ ឆ្នាំ២០២៣ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញដឹកនាំកិច្ចជុំពិនិត្យពិភាក្សាលើការងារសំខាន់ៗសម្រាប់ត្រៀមទទួលបដិសណ្ឋារកិច្ចស្វាគមន៍ឯកឧត្តម ហ្វ្រាំង វ៉ាល់ធ័រឆ្តែនម៉ៃយ័រ (H.E.Mr.Frank Walter steinmeier) ប្រធានាធិបតីសាធារណរដ្ឋសហព័ន្ធអាល្លឺម៉ង់ ដែលនឹងអញ្ជើញដឹកនាំគណៈប្រតិភូជាន់ខ្ពស់មកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ចាប់ពីថ្ងៃទី១៤ ដល់ទី១៦ ខែកុម្ភៈ ឆ្នាំ២០២៣។
កិច្ចប្រជុំនេះ មានការអញ្ជើញចូលរួមពីឯកឧត្តមអគ្គលេខាធិការរងទាំងពីរ លោកជំទាវអគ្គនាយិការ ឯកឧត្តមអគ្គនាយក អគ្គនាយករង និងថ្នាក់ដឹកនាំនាយកដ្ឋាន នៃអគ្គនាយកដ្ឋានទាំង៥ នៅសាលប្រជុំពិសេសក្រោម វិមានព្រឹទ្ធសភា៕

ប្រភព៖នាយកដ្ឋានព័ត៌មាន