នាព្រឹកថ្ងៃទី០៧ ខែមីនា ឆ្នាំ២០២៣ នៅសាលប្រជុំពិសេស៣ វិមានព្រឹទ្ធសភា គណៈប្រតិភូសភា នៃព្រះរាជាណាចក្រកម្ពុជា បានប្រជុំក្រោមអធិបតីភាពឯកឧត្តម យ៉ង់ សែម ប្រធានដឹកនាំគណៈប្រតិភូសភាកម្ពុជា និងជាប្រធានគណៈកម្មការទី១ព្រឹទ្ធសភា ដេីម្បីពិនិត្យលេីការងារសំខាន់ៗត្រៀមចូលរួមមហាសន្និបាតសហភាពអន្តរសភាលេីកទី១៤៦(IPU) កិច្ចប្រជុំបណ្តាសភា នៃក្រុមប្រទេសចលនាមិនចូលបក្សសម្ព័ន្ធ(NAM) និងកិច្ចប្រជុំពាក់ព័ន្ធ នៅទីក្រុងម៉ាណាម៉ា ព្រះរាជាណាចក្របារ៉ែន នាពេលខាងមុខ។ កិច្ចប្រជុំនេះផ្តោតសំខាន់លេីសេចក្តីរាយការណ៍របស់តំណាងក្រសួងការបរទេស និងសហប្រតិបត្តិការអន្តរជាតិ តំណាងក្រសួងយុត្តិធម៌ និងតំណាងគណៈកម្មាធិការសិទ្ធិមនុស្សកម្ពុជា៕
ប្រភព៖ នាយកដ្ឋានព័ត៌មាន
