ឆ្លេីយតបនឹងការអញ្ជេីញរបស់រដ្ឋបាលខេត្តកំពត នាព្រឹកថ្ងៃទី១១ ខែមីនា ឆ្នាំ២០២៣ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមន៍នារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីភាពក្នុងពិធីអបអរសាទរខួបលើកទី១១២ ទិវាអន្តរជាតិនារី ៨មីនា ឆ្នាំ២០២៣ ក្រោមប្រធានបទ “ស្ត្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល” ដែលរៀបចំឡើងដោយរដ្ឋបាលខេត្តកំពត នៅសាលសន្និសីទបូកគោ ខេត្តកំពត។ សូមជម្រាបថា ពិធីអបអរសាទរខួបលើកទី១១២ ទិវាអន្តរជាតិនារី ៨មីនា នឹងដំណើរការទៅតាមកម្មវិធីសំខាន់ៗដូចខាងក្រោម៖ ១.សុន្ទរកថាស្វាគមន៍ និងរបាយការណ៍រីកចម្រើន ដោយលោកស្រី ហួត រី ប្រធានមន្ទីរកិច្ចការនារីខេត្ត ២.អានសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃព្រះរាជាណាចក្រកម្ពុជា ដោយឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្ត ៣.អានព្រះរាជសាររបស់សម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្ដីថ្លៃថ្នូរ និង សុភមង្គល ដោយលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ ៤.ពិធីជូនបាច់ផ្កា…៕
ប្រភព៖ នាយកដ្ឋានព័ត៌មាន
