នារសៀលថ្ងៃទី១១ ខែមីនា ឆ្នាំ២០២៣ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញជាអធិបតីភាពក្នុងសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារប្រចាំឆ្នាំ២០២៣របស់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពត នៅសាលសន្និសីទបូកគោ ខេត្តកំពត។ សូមជម្រាបថា អង្គសន្និបាត មានការអញ្ជេីញចូលរួមពីសមាគមនារីថ្នាក់កណ្តាល គណៈកិត្តិយសសាខា គណៈប្រតិបត្តិសាខា អនុសាខាស្រុក ក្រុង និងក្រុមការងាររបស់មន្ទីរកិច្ចការនារីខេត្តសរុបចំនួន១៤៧នាក់។ អង្គសន្និបាត មានការថ្លែងសន្ទរកថាស្វាគមន៍ និងបើកដោយលោកជំទាវ ហ៊ុន ចាន់ឌី ម៉ៅ ធនិន ប្រធានកិត្តិយសសាខាសមាគមនារីខេត្ត ការអានរបាយការណ៍បូកសរុបលទ្ធផលសកម្មភាពការងាររបស់សាខាសមាគនារីប្រចាំឆ្នាំ២០២២ និងទិសដៅបន្តសម្រាប់អនុវត្តឆ្នាំ២០២៣ ដោយលោកជំទាវ យូ សុគន្ធ ប្រធានប្រតិបត្តិសាខាសមាគមនារីខេត្ត ព្រមទាំងមានការចូលរួមពិភាក្សាចែករំលែកបទពិសោធន៍ការងារ និងបញ្ហាប្រឈមផងដែរ…៕
ប្រភព៖នាយកដ្ឋានព័ត៌មាន
