នាព្រឹកថ្ងៃទី៣១ ខែមីនា ឆ្នាំ២០២៣ ឯកឧត្តម ទឹម ផន លេខាធិការគណៈកម្មការទី៩ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចុះជួបសំណេះសំណាល និងនាំយកឧបករណ៍តេស្តរហ័សកូវីដ-១៩ ចំនួន៤កេសធំ ស្មើនឹងចំនួន ២ ៧០០តេស្ត និងថវិកាចំនួន ៦០០ ០០០ រៀល ផ្តល់ជូនដល់រដ្ឋបាលស្រុក មន្ទីរពេទ្យបង្អែកស្រុក រដ្ឋបាលឃុំទាំង៩ ក្នុងស្រុកពារាំង នៅសាលប្រជុំសាលាស្រុកពារាំងខេត្តព្រៃវែង។
ក្នុងឱកាសនោះ ឯកឧត្តម បានថ្លែងកោតសរសើរ និងផ្តល់ការលើកទឹកចិត្តដល់អាជ្ញាធរស្រុក ប្រធានក្រុមប្រឹក្សាឃុំទាំង៩ រួមគ្នាបន្តដោះស្រាយរាល់បញ្ហាប្រឈម និងឧបសគ្គទាំងឡាយដែលបាននិងកំពុងកើតមាន ដើម្បីឱ្យស្រុក ឬមូលដ្ឋានមានការអភិវឌ្ឍកាន់តែល្អប្រសើរជាងនេះថែមទៀត ពិសេសខិតខំរួមគ្នាក្នុងការប្រយុទ្ធប្រឆាំងនឹងជំងឺឆ្លងថ្មីកូវីដ-១៩។
