khmer eng
  • ឯកឧត្តម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ សហការជាមួយលោក លឿង សុភក្តិ អភិបាលស្រុកស្វាយកចេក បានដឹកនាំកម្លាំងចុះអន្តរាគមន៍ជួយជួសជុលផ្ទះ និងនាំយកអំណោយជាស័ង្កសី ចំនួន២៦៥សន្លឹក
     
    ចែករំលែក ៖

    នៅព្រឹកថ្ងៃសៅរ៍ ៨កើត ខែជេស្ឋ ឆ្នាំថោះ បញ្ចស័ក ព.ស២៥៦៧ ត្រូវថ្ងៃទី២៧ ខែឧសភា ឆ្នាំ២០២៣ នៅវេលាម៉ោង៨:៣០នាទី ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ សហការជាមួយលោក លឿង សុភក្តិ អភិបាលស្រុកស្វាយកចេក បានដឹកនាំកម្លាំងចុះអន្តរាគមន៍ជួយជួសជុលផ្ទះ និងនាំយកអំណោយជាស័ង្កសី ចំនួន២៦៥សន្លឹក (ប្រវែង៣ម៉ែត្រ) ជូនប្រជាពលរដ្ឋដែលរងគ្រោះដោយខ្យល់កន្រ្តាក់ ចំនួន២០ខ្នងផ្ទះ ស្មើនឹង២០គ្រួសារ លើ២ភូមិ គឺភូមិបារាយណ៍ និងភូមិតាផូ ឃុំតាផូ ស្រុកស្វាយចេក ខេត្តបន្ទាយមានជ័យ។ ថ្លែងក្នុងឱកាសនោះ ឯកឧត្តម បានសម្តែងការសោកស្តាយ ចំពោះការបាត់បង់លំនៅដ្ឋាន ដែលបង្កឡើងដោយគ្រោះធម្មជាតិ ដោយបង្កើនការយកចិត្តទុកដាក់ និងមានការប្រុងប្រយ័ត្នខ្ពស់។ សំណូមពរ សូមប្រជាពលតរដ្ឋដែលមានឈ្មោះក្នុងបញ្ជីបោះឆ្នោត គ ជ ប អញ្ជើញទៅបោះឆ្នោតឱ្យបានគ្រប់ៗគ្នា នៅថ្ងៃទី២៣ ខែកក្ដដា ឆ្នាំ២០២៣ ខាងមុខនេះ ដើម្បីចូលរួមថែរក្សាសន្តិភាព ស្ថេរភាពសង្គម សេដ្ឋកិច្ច និងការអភិវឌ្ឍលើគ្រប់វិស័យ។ ក្នុងឱកាសនោះ ឯកឧត្តម បានឧបត្ថម្ភបន្ថែមក្នុង១គ្រួសារទទួលបានសារ៉ុង១ អ្នករងរបួសស្រាលថវិកា ៥០,០០០រៀល និងយាយជីចុងភៅក្នុងវត្ត ថវិកា៧០,០០០រៀល។ សូមជម្រាបជូនថា សង្កសី២៦៥សន្លឹក ក្នុងនោះ ឯកឧត្តមបណ្ឌិត ហ៊ុន ម៉ាណែត ១០០សន្លឹក លោកឧត្ដមសេនីយ៍ត្រី ង៉ាន់ ចិន្តា និងសហការី ៨៥សន្លឹក និងអង្គការទស្សន:ពិភពលោក ៨០សន្លឹក និងឯកឧត្តម ឈើយ ចាន់ណា សារ៉ុង ២០ និងថវិកាជួយអ្នករងរបួស ចុងភៅ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ ព្រឹទ្ធសភា
    thumbnail
     
    សម្តេចតេជោ ដឹកនាំសម័យប្រជុំព្រឹទ្ធសភាជាវិសាមញ្ញ ដើម្បីពិនិត្យហើយឱ្យយោបល់ឯកភាពទាំងស្រុងលើអនុសញ្ញាម៉ុងរ៉េអាល់ឆ្នាំ១៩៩៩
    thumbnail
     
    សារលិខិតរំលែកទុក្ខរបស់ គណៈកម្មការទី៨នៃព្រឹទ្ធសភា ជូន លោកស្រី ខាន់ ចាន់ធុល និងលោកស្រី ឆែម កល្យាណ ព្រមទាំងក្រុមគ្រួសារ ចំពោះមរណភាពរបស់ លោកវរសេនីយ៍ទោ ស៊ុន ផល្លា និងលោកអនុសេនីយ៍ឯក ខេង ឆៃយុទ្ធ យោធិនអាកាសយានិក នៃកងយុទ្ធពលខេមរភូមិន្ទ ដែលត្រូវជាស្វាមីរបស់លោកស្រី
    thumbnail
     
    ក្រុមសមាជិកព្រឹទ្ធសភាក្រុមទី៣ ប្រជុំត្រៀមមានមតិយោបល់ក្នុងអង្គប្រជុំព្រឹទ្ធសភា ជាវិសាមញ្ញ នីតិកាលទី៥
    thumbnail
     
    ក្រុមសមាជិកព្រឹទ្ធសភាក្រុមទី១ ប្រជុំត្រៀមមានមតិយោបល់ក្នុងអង្គប្រជុំព្រឹទ្ធសភា ជាវិសាមញ្ញ នីតិកាលទី៥