ឯកឧត្ដម ឈើយ ចាន់ណា បានដឹកនាំក្រុមការងារចុះត្រួតពិនិត្យការងារលើកគ្រឹះផ្លូវថ្មីមួយខ្សែ ស្ថិតនៅភូមិដូនណូយ ឃុំទ្រាស
ថ្ងៃអង្គារ ១១កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៣០ ខែឧសភា ឆ្នាំ២០២៣ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភានិងសមាជិកក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយលោក ដា ទឹងប្រធានក្រុមប្រឹក្សាស្រុក និងលោក លឿង សុភក្ដិ អភិបាលស្រុក បានដឹកនាំក្រុមការងារចុះត្រួតពិនិត្យការងារលើកគ្រឹះផ្លូវថ្មីមួយខ្សែ ស្ថិតនៅភូមិដូនណូយ ឃុំទ្រាស ទៅកាន់ស្រែចម្ការ ដើម្បីជួយសម្រួលដល់ប្រជាកសិករក្នុងការធ្វើដំណើរ ក៏ដូចជាការដឹកជញ្ជូនកសិផលនានា មានភាពងាយស្រួលទាំងរដូវវស្សា និងរដូវប្រាំង។ ក្នុងនោះ ឯកឧត្ដម បានជួយឧបត្ថម្ភថវិកាមួយចំនួនសន្រាប់ការងារជួសជុលផ្លូវនេះផងដែរ។
