ថ្ងៃពុធ ទី៣១ ខែឧសភា ឆ្នាំ២០២៣ វេលាម៉ោង១៤:៣០នាទី ឯកឧត្តម ម៉ាន់ ឈឿនអនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយលោកមេភូមិទាំង១៣ និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីត្រួតពិនិត្យវឌ្ឍនភាពការងារប្រចាំខែឧសភា និងទិដៅបន្តសម្រាប់ខែមិថុនា ដោយត្រូវផ្តោតជាអាទិភាពលើគោលដៅសំខាន់ៗ ដែលស្ថិតក្នុងដែនសមត្ថកិច្ចរបស់គណបញ្ជាការឯកភាពមូលដ្ឋាន មានភារកិច្ចត្រូវការពារសុខសុវត្ថិភាព សណ្តាប់ធ្នាប់សាធារណៈ ក្នុងពិធីប្រកួតកីឡាអាស៊ាន ប៉ារ៉ាហ្គេមលើកទី១២ ដែលព្រះរាជាណាចក្រកម្ពុជា យើងជាម្ចាស់ផ្ទះ ហើយត្រូវប្រព្រឹត្តិទៅពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ នៅរាជធានីភ្នំពេញ។