នារសៀលថ្ងៃទី២១ ខែមិថុនា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា សមាជិកាព្រឹទ្ធសភាប្រចាំភូមិភាគទី៨ និងជាអនុប្រធានកិតិ្តយសសាខាសមាគមនារីកម្ពុជា ដើម្បីសន្តិភាព និងអភិវឌ្ឃន៍ខេត្តកំពង់ធំ បានអញ្ជើញជួបសំណេះសំណាលជាមួយអ្នកសង្កេតការណ៍អនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ស្រុកកំពង់ស្វាយ ខេត្តកំពង់ធំ ដែលមានសមាសភាពចូលរួមចំនួន១៦៦នាក់ ដើម្បីត្រៀមខ្លួនធ្វើជាអ្នកសង្កេតការណ៍ក្នុងដំណើរការបោះឆ្នោតជ្រើសតាំងតំណាងរាស្ត្រនីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ ខាងមុខ បន្ទាប់ពីសមាជិកអ្នកសង្កេតការណ៍បានចូលរៀនវគ្គបណ្ដុះបណ្ដាលតាមប្រព័ន្ធZoomចប់។ ក្នុងនោះលោកជំទាវបានឧបត្ថម្ភដល់អ្នកសង្កេតការណ៍ទាំងអស់ ដោយក្នុងម្នាក់ៗទទួលបានអាវយឺត១ សម្រាប់ពាក់ក្នុងថ្ងៃសង្កេតការណ៍បោះឆ្នោត ស្ថិតនៅសាលប្រជុំសាលាស្រុកកំពង់ស្វាយ ខេត្តកំពង់ធំ។