ថ្ងៃទី១២ ខែសីហា ឆ្នាំ២០២៣ ឯកឧត្តម ជឹម លាវ សមាជិកគណៈកម្មការទី១ និងលោកជំទាវ ស៊ី វណ្ណថា សមាជិកាគណ:កម្មការទី៩ ឯកឧត្តម លោកជំទាវជាសមាជិក សមាជិកាក្រុមសមាជិកព្រឹទ្ធសភាប្រចាំភូមិភាគទី២ បានជួបប្រជុំពិភាក្សាជាមួយ ក្រុមប្រឹក្សាឃុំ មេភូមិ នាយប៉ុស្តិ៍នគបាលឃុំ នាយកសាលាក្នុងឃុំត្រពាំងគរ ស្រុកជើងព្រៃ ខេត្តកំពង់ចាម ដើម្បីស្វែងយល់ការអនុវត្ត និងដកបទពិសោធន៏ការងារបោះឆ្នោតនាថ្ងៃទី២៣ ខែកក្កដា ឆ្នាំ២០២៣កន្លងទៅ ដែលមានសមាសភាពចូលរួមសរុបចំនួន១៩នាក់។ នាឱកាសនោះដែរ ឯកឧត្តម លោកជំទាវ បានឧបត្ថម្ភថវិកាដល់គ្រួសារសពចំនួន៦គ្រួសារ ក្នុងមួយគ្រួសារទទួលបានថវិកាចំនួន២០០,០០០រៀល និងស្រ្តីសំរាលកូនចំនួន១១នាក់ ក្នុងម្នាក់ៗទទួលបានថវិកាចំនួន៥០,០០០រៀល ព្រមទាំងផ្តល់ជូនសមាជិកអង្គប្រជុំចំនួន១៩នាក់ក្នុងម្នាក់ទទួលបានថវិកាចំនួន១០,០០០រៀល សរុបថវិកាទាំងអស់ចំនួន១,៩៤០,០០០រៀល។
