ឯកឧត្ដម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានរួមគ្នាធ្វើពិធីបុណ្យកាន់បិណ្ឌទី៩ នៅវត្ត សុវណ្ណគីរីភ្នំជញ្ជាំង ស្ថិតក្នុងឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ
នៅព្រឹកថ្ងៃទី៨ ខែតុលា ឆ្នាំ២០២៣ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម សួន សុធី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្ដម កែវ សេងឡាយ មេបញ្ជារងបញ្ជាការដ្ឋាន អគ្គបញ្ជាការកងរថក្រោះ ឯកឧត្ដម ហ៊ូ ប៊ុនហេង ទីប្រឹក្សាជ្ញាធាជាតិប្រយុទ្ធប្រឆាំង និងគ្រឿងញៀន លោក ប៊ូន លាងផេង អភិបាលរងស្រុក និងញាតិមិត្តពុទ្ធបរិស័ទ បានរួមគ្នាធ្វើពិធីបុណ្យកាន់បិណ្ឌទី៩ នៅវត្ត សុវណ្ណគីរីភ្នំជញ្ជាំង ស្ថិតក្នុងឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ដើម្បីឧទ្ទិសកុសលជូនដល់បុព្វការីជនមានជីដូនជីតា មាតា បិតា ញាតិកាក្នុងសង្សារវដ្តដែលបានលាចាកលោកនេះទៅហើយ ព្រមទាំងឧទ្ទិសកុសលជូនដល់វិញ្ញាក្ខ័ន្ធយុទ្ធជន យុទ្ធនារី អ្នកស្នេហាជាតិ ដែលបានពលីជីវិតក្នុងបុព្វហេតុជាតិមាតុភូមិ សូមលោកទាំងអស់មេត្តាយោនយក កំណើតក្នុងទីបរមសុខ កុំបីក្លាយទៅជាប្រការដទៃឡើយ។
