នារសៀលថ្ងៃទី២៥ ខែតុលា ឆ្នាំ២០២៣ ឯកឧត្តម ឡោក ឆាយ អគ្គលេខាធិការស្តីទីព្រឹទ្ធសភា បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលស្តីពី បែបបទពិធីការរបស់ស្ថាប័ន ការកាន់កម្មវិធី និងការងារផ្សេងៗ នៅសាលសិក្ខាសាលាខាងជើង វិមានព្រឹទ្ធសភា។ វគ្គបណ្តុះបណ្តាលនេះ រៀបចំឡើងដើម្បីជួយពង្រឹងសមត្ថភាពមន្ត្រីជំនាញ កាន់តែមានសមត្ថភាពឈានឡើងលើការងារពិធីការ ការកាន់កម្មវិធី និងបំពេញការងារជូនថ្នាក់ដឹកនាំ ឱ្យកាន់តែមានប្រសិទ្ធភាព និងប្រសិទ្ធផលប្រកបដោយនិរន្តភាព។ សូមបញ្ជាក់ថាវគ្គបណ្តុះបណ្តាលនេះ ឧទ្ទេសនាមដោយលោក ហួត ប្រាកដ ប្រធាននាយកដ្ឋានពិធីការ នៃអគ្គនាយកដ្ឋានពិធីការ និងទំនាក់ទំនងអន្តរជាតិ នៃអគ្គលេខាធិការដ្ឋានព្រឹទ្ធសភា ដែលសិក្សារៀងរាល់រសៀល មានរយៈពេល០៣ថ្ងៃ ចាប់ពីថ្ងៃទី២៣ ដល់ថ្ងៃទី២៥ ខែតុលា ឆ្នាំ២០២៣ មានសិក្ខាកាមជាថ្នាក់ដឹកនាំ មន្ត្រីរាជការអគ្គលេខាធិការដ្ឋានព្រឹទ្ធសភា ចូលរួមចំនួន៤៦នាក់ និងមកពីសាលាជាតិរដ្ឋបាលមូលដ្ឋានចំនួន០៤នាក់ ដោយផ្ដោតសំខាន់លើប្រធានបទសំខាន់ៗរួមមាន៖ -បែបបទការងារពិធីការរបស់ស្ថាប័ន -អតិថិវិន័យ=(អតិថិគារវៈ): ការគោរពភ្ញៀវ ច្បាប់គួរសមចំពោះភ្ញៀវ -ការកាន់កម្មវិធី (MC) -រៀបចំពិធីផ្លូវការ ឬក្រៅផ្លូវការផ្សេងៗជូនថ្នាក់ដឹកនាំតាមឋានានុក្រម -ការងារទំនាក់ទំនងសាធារណៈ -ការសម្របស្រួលក្នុងកម្មវិធីនានា។ ប្រភព៖នាយកដ្ឋានព័ត៌មាន
