នាព្រឹកថ្ងៃទី២៥ ខែមីនា ឆ្នាំ២០២៤ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញចុះសាកសួរសុខទុក្ខលោក ជួន ថុល មេឃុំកំពង់ស្វាយ ដែលមានជំងឺកំពុងសម្រាកព្យាបាលនៅគេហដ្ឋាន។ លោកជំទាវបានពាំនាំនូវការផ្តាំផ្ញើរសួរសុខទុក្ខពីសំណាកថ្នាក់ដឹកនាំព្រឹទ្ធសភា មានសម្តេចប្រធានព្រឹទ្ធសភា ដែលលោកជានិច្ចកាលតែងតែយកចិត្តទុកដាក់គិតគូរដល់មន្ត្រីមូលដ្ឋាន។ នៅក្នុងឱកាសនោះ លោកជំទាវបានឧបត្ថម្ភផ្លែឈើចំនួន១កន្ត្រក ទឹកសុទ្ធ២កេស ក្រមា២ និងថវិកាចំនួន១,០០០,០០០រៀល សរុបជាទឹកប្រាក់អស់ចំនួន១,២០០,០០០រៀល ស្ថិតនៅភូមិចុងព្រៃ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។
បន្ទាប់មកពេលរសៀល លោកជំទាវបានបន្តយកថវិកាចំនួន១,០០០,០០០រៀល ប្រគល់ជូនលោកមេឃុំព្រៃគុយ ដើម្បីចូលរួមចាក់ដីបំពេញទីធ្លាសាលាបឋមសិក្សាអន្លង់លោក នៅសាលាឃុំព្រៃគុយ ស្រុកកំពង់ស្វាយ ខេត្ត កំពង់ធំ ។
