ឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា បានទទួលជួបប្រជុំជាមួយនឹង គណៈកម្មការទី៥ ព្រឹទ្ធសភា ដឹកនាំដោយឯកឧត្តមបណ្ឌិត ចែម វីឌ្យ៉ា ប្រធានគណៈកម្មការ
នាព្រឹកថ្ងៃចន្ទ ១៤កើត ខែចេត្រ ឆ្នាំរោង ឆស័ក ពុទ្ធសករាជ២៥៦៧ ត្រូវនឹងថ្ងៃទី២២ ខែមេសា ឆ្នាំ២០២៤ វេលាម៉ោង ៩:៣០នាទី នៅផ្ទះស វិមានព្រឹទ្ធសភា ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា បានទទួលជួបប្រជុំជាមួយនឹងគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនា និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយឯកឧត្តមបណ្ឌិត ចែម វីឌ្យ៉ា ប្រធានគណៈកម្មការ ដើម្បីពិនិត្យពិភាក្សាលើរបៀបវារៈសំខាន់ៗ មានជាអាទិ៍៖
១.តួនាទី ភារកិច្ច និងការទទួលខុសត្រូវរបស់គណៈកម្មាការទី៥ព្រឹទ្ធសភា។
២.របាយការណ៍សកម្មភាពកន្លងមក និងផែនការការងារឆ្នាំ២០២៤។
៣.ការសម្របសម្រួលលើការងារការទូតសភា (ការបែងចែកភារកិច្ចដឹកនាំ និងការចាត់ចែង
ការងារពាក់ព័ន្ធរវាងព្រឹទ្ធសភា និងរដ្ឋសភា) ការងារទំនាក់ទំនងទ្វេភាគីជាមួយសភា នៃបណ្ដាប្រទេសជាមិត្ត និងការងារសហប្រតិបត្តិការអន្តរជាតិរបស់ព្រឹទ្ធសភារួមមាន៖ ជាមួយស្ថាប័នអន្តរសភា និងអង្គការអន្តរជាតិពាក់ព័ន្ធ។
៤. បញ្ហាផ្សេងៗ៕
ប្រភព៖ នាយកដ្ឋានព័ត៌មាន
