នារសៀលថ្ងៃទី៧ ខែឧសភា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញអមដំណើរ ឯកឧត្តម កែ គឹមយ៉ាន អ្នកតំណាងរាស្រ្តប្រចាំមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ចុះពិនិត្យការៀបចំបំពាក់ទូយ៉ូទឹកបាញ់សាចលើដំបូលអគារសិក្សា និងសម្ភារផ្សេងទៀត ដែលបានផ្ដល់ជូនសាលាមត្តេយ្យដាច់ទាំង២១ទូទាំងខេត្ត ដែលឯកឧត្ដមបានឧបត្ថម្ភ ដើម្បីជួយបន្ថយកំដៅដែលកំពុងកើនឡើងខ្លាំង នៅសាលាមត្តេយ្យសិក្សាធនធានគំរូឃុំឫស្សីក្រោក និងបន្តចុះពិនិត្យសាលាបឋមសិក្សាគំរូឫស្សីក្រោកស្រុកមង្គលបូរី ខេត្តបន្ទាយមានជ័យ ឯកឧត្តម បានឧបត្ថម្ភក្លោងទ្វារចូលសាលាកុំព្យូទ័រ ២៤គ្រឿង ប្រពន្ធទូយ៉ូទឹកបាញ់លើដំបូលអគារទាំងអស់ក្នុងសាលា និងផ្ដល់ជូនកូនកន្សែងសម្រាប់ជ្រលក់ទឹកជូតខ្លួន និងនំដល់សិស្សានុសិស្សក្នុងសាលាទាំងពីរនេះផងដែរ។