រសៀលថ្ងៃទី១៥ ខែកក្កដា ឆ្នាំ២០២៤ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញអមដំណើរសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ចូលរួមជាអធិបតីដ៏ខ្ពង់ខ្ពស់ក្នុងពិធីសម្ពោធប្រគល់អណ្តូងទឹកចំនួន១៧អណ្តូង (លើចំនួន២៥ អណ្តូងក្នុងគំរោង គិតជាប្រាក់ថ្លៃ៣៧.៥០០$ដុល្លាសហរដ្ឋអាមេរិក) នៅឃុំត្នោត ស្រុកកំពង់រោទ៍ និងឃុំចន្ទ្រា ស្រុកចន្រ្ទា ខេត្តស្វាយរៀង ដែលអំណោយរបស់ក្រុម Lion international group។ ដែលមានសមាសភាពចូលរួមពី ឯកឧត្តមប្រធានក្រុមប្រឹក្សាខេត្ត អភិបាលខេត្ត មន្ទីរនានាជុំវិញខេត្ត ក្រុមប្រឹក្សា អភិបាលស្រុក មេឃុំត្នោត មេឃុំចន្ទ្រា អតីតយុទ្ធជន ប្រជាជនប្រមាណជាង៥០០នាក់។ ក្នុងឱកាសនោះគ្រប់សមាជិកជាអតីតយុទ្ធជន និងប្រជាជនចំនួន៥០០នាក់ ទទួលបានអំណោយ និងទឹកប្រាក់១០,០០០រៀល ពិធីនេះរៀបចំប្រព្រឹត្តទៅនៅភូមិធ្លកថ្មី ឃុំត្នោត ស្រុកកំពង់រោទ៍ ខេត្តស្វាយរៀង។