នាព្រឹកថ្ងៃទី០៦ ខែសីហា ឆ្នាំ២០២៤
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំមណ្ឌលភូមិភាគ២ បាននាំយកថវិកាឧបត្ថមជូននិស្សិតដែលត្រូវទៅបន្តការសិក្សានៅប្រទេសអេហ្សីប ចំនួន៥នាក់ ដោយម្នាក់ៗទទួលបានថវិកា ១,៣០០ដុល្លា សរុបថវិកា ៦,៥០០ដុល្លា។
ឆ្លៀតក្នុងឱកាសនោះដែរ ឯកឧត្តមបានណែនាំដល់ប្អូនប្រុសត្រូវខិតខំរៀនសូត្រឲ្យបានចប់ មិនត្រូវគិតពីអ្វីក្រៅតែពីបំណងប្រាថ្នាដែលចង់ក្លាយជានិស្សិតឆ្នើមនោះទេ និងមិនត្រូវឲ្យឪពុកម្តាយខកបំណងរបស់គាត់ឡើយ ព្រោះភាពជោគជ័យមួយកម្រិតដែលប្អូនបានទទួលគឺសុទ្ធតែជាញើស ជាឈាមដែលបង្ហូរចេញមកពីការធ្វើសំណង់ ធ្វើស្រែចំការ រត់ម៉ូតូឌុប ព្រោះតែមិនមែនជាត្រកូលអ្នកមានស្តុកស្តម្ភដូចគេឡើយ ព្រោះតែហេតុនេះហើយទើបសុខចិត្តលំបាកដើម្បីត្រឹមតែចង់ឃើញភាពជោគជ័យនិងជៀសផុតពីការលំបាករបស់កូនតែប៉ុណ្ណឹងទេ ហើយត្រូវចាំថាការតស៊ូរៀនសូត្រគឺជាការសងគុណដ៏ធំធេងមួយចំពោះគាត់ ។
ឯកឧត្តមបានជម្រាបបន្តដែរថា ក្រោមការដឹកនាំប្រកបដោយគតិ្តបណ្ឌិតដ៏ឈ្លាសវៃរបស់ សម្តេចធិបតីនាយករដ្ឋមន្ត្រី គឺជម្រុញយកចិត្តទុកដាក់ខ្ពស់ទៅលើធនធានមនុស្សស្របនិងយុទ្ធសាស្រ្តនាសម័យឌីជីថលនេះមិនថាសាសនាណាក៏ដោយ ដូច្នេះហើយសូមកុំអស់សង្ឃឹមត្រូវសម្រេចគោលដៅឲ្យបាន ។
(ឪពុកម្តាយសុខចិត្តក្រទ្រព្យ តែមិនចង់ឃើញកូនក្រចំណេះនោះទេ)
