ឯកឧត្តម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងក្រុមគ្រួសារ និងពុទ្ធបរិស័ទ បានអញ្ជើញនាំយកនូវចង្ហាន់ បិណ្ឌបាត បច្ច័យ ទៅប្រគេនព្រះសង្ឃ ដោយរៀបចំពិធីបង្សុកូល
នាព្រឹកថ្ងៃអង្គារ ទី២៤ ខែកញ្ញា ឆ្នាំ ២០២៤ ជាថ្ងៃពិធីបុណ្យកាន់ បិណ្ឌ-ភ្ជុំបិណ្ឌ-ប្រពៃណីជាតិខ្មែរ វេនទី៧ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងក្រុមគ្រួសារ និងពុទ្ធបរិស័ទ បានអញ្ជើញនាំយកនូវចង្ហាន់ បិណ្ឌបាត បច្ច័យ ទៅប្រគេនព្រះសង្ឃ ដោយរៀបចំពិធីបង្សុកូល នៅសាលាឆាន់ វត្ត ចមសុទ្ធាវាស(វត្តស្វាយចាស់) ឃុំ ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដើម្បីឧទ្ទិសបញ្ជ្ជូន កុសលផលបុណ្យទៅដល់បុព្វការីជន មានជីដូនជីតា មាតាបិតា ញាតិកាទាំង ៧សន្ដាន ដែលបានលាចាកលោកនេះកន្លងទៅ ព្រម ទាំងឧទ្ទិសជូន ដួងវិញ្ញាណក្ខន្ធអ្នក ស្នេហាជាតិ ដែលលោកបានពលីជីវិតក្នុង បុព្វហេតុជាតិ មាតុភូមិ និងប្រជាជន សូមលោកទាំងអស់បានយោនយកកំណើត នៅក្នុងទីឋានដ៏ខ្ពង់ខ្ពស់ កុំបីឃ្លៀងឃ្លាតឡើយ។
