ឯកឧត្តម ម៉ាន់ ឈឿន បានអញ្ជើញចូលរួមពិធីបូជាសព លោក អោ អោក មេភូមិ១២ ជាឪពុក លោកស្រី អោ ណារ៉ាសមាជិកាក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ
ថ្ងៃច័ន្ទ ទី៤ ខែវិច្ឆិកា ឆ្នាំ២០២៤ វេលាម៉ោង៣:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមពិធីបូជាសព លោក អោ អោក មេភូមិ១២ ជាឪពុក លោកស្រី អោ ណារ៉ាសមាជិកាក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ បានទទួលមរណៈភាព កាលពីថ្ងៃសៅរ៍ ទី២ ខែវិច្ឆិកា វេលាម៉ោង១៦:៣០នាទី ក្នុងជន្មាយុ៧៣ឆ្នាំ ដោយជំងឺគាំងបេះដូង។ ជាមួយក្រុមញាតិ និងគ្រួសារសពនៅវត្តអង្គតាម៉ិញ សង្កាត់ចោមចៅទី១ ខណ្ឌពោធិសែនជ័យ រួមមានតំណាងក្រុមប្រឹក្សាខណ្ឌទួលគោក ក្រុមប្រឹក្សាសង្កាត់ លោកមេភូមិ និងបងប្អូនប្រជាពលរដ្ឋជាច្រើន សូមចូលរួមរំលែកមរណទុក្ខយ៉ាងក្រៀមក្រំនេះ និងសូមបួងសួងឲ្យវិញ្ញាណក្ខ័ន្ធសពបានអញ្ជើញទៅកាន់ទីបរមសុខ កុំបីឃ្លៀងឃ្លាតឡើយ។
