នៅរសៀលថ្ងៃទី០៨ ខែវិច្ឆិកា ឆ្នាំ២០២៤

ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ និងជាអនុប្រធានអង្គការមូលនិធិអភិវឌ្ឍន៍មុស្លិមកម្ពុជា ខេត្តកំពង់ចាម បានអញ្ជើញចុះសួរសុខទុក្ខ និងប្រគល់ផ្ទះជូនប្រជាពលរដ្ឋខ្វះខាតចំនួន ៤ ខ្នង សត្វគោចិញ្ចឹមចំនួន ៤ ក្បាល និងម៉ាស៊ីនកាត់ដេរចំនួន ២ ឈុត ស្ថិតក្នុងស្រុកស្ទឹងត្រង់ និងស្រុកចំការលើ ខេត្តកំពង់ចាម  សរុបជាថវិកា ១៨០០០ អឺរ៉ូ (១៨៩០០ដុល្លារ) នៅខេត្តកំពង់ចាម ដើម្បីចូលរួមកាត់បន្ថយភាពក្រីក្រនៅក្នុងសហគមន៍ និងបង្កើតមុខរបរប្រចាំថ្ងៃជូនប្រជាពលរដ្ឋ។

ស្ថិតក្នុងតំណើរជួបនេះដែរក៏មានការអញ្ជើញចូលរួមពី ឯកឧត្តម សមាជិកក្រុមប្រឹក្សាខេត្ត ឯកឧត្តម អភិបាលរងខេត្ត ក្រុមប្រឹក្សាក្រុង-ស្រុក អភិបាលរងស្រុក អុីមាំស្រុក ហាកឹម តួន
ក្រុមយុវជនស.ស.យ.ក និងCMYAផងដែរ។

គម្រោងខាងលើជាគម្រោងហ្សាកាត់(បរិច្ចាក)   ដោយមានការគាំទ្រពីអង្គការហាសាណះអន្តរជាតិ សហការជាមួយអង្គការមូនិធិអភិវឌ្ឍមុស្លិមកម្ពុជា(CMDF)។ គួរបញ្ជាក់ដែរថា អង្គការអន្តរជាតិហាសាណះ បាននឹងកំពុងធ្វើកិច្ចសហប្រតិបត្តិការជិត ១០០ ប្រទេស ក្នុងនោះក៏មានកម្ពុជាផងដែរ ។