លោកគ្រួ អ្នកគ្រួ និងសិស្សានុសិស្សមកពីសាលាសេនត្រល់ផាក មកទស្សនកិច្ចសិក្សានៅព្រឹទ្ធសភា
នាព្រឹកថ្ងៃពុធ ០១កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨ នៅសាលសិក្ខាសាលាខាងជើង វិមានព្រឹទ្ធសភា ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញធ្វើបទបង្ហាញស្តីពី តួនាទី ភារកិច្ចរបស់ព្រឹទ្ធសភា ដល់លោកគ្រួ អ្នកគ្រួ និងសិស្សានុសិស្សមកពីសាលាសេនត្រល់ផាក ចំនួន២២នាក់ ដែលមកបំពេញទស្សនកិច្ចសិក្សា ស្វែងយល់អំពីព្រឹទ្ធសភា។
