លោកជំទាវ មាន សំអាន ដឹកនាំកិច្ចប្រជុំគណៈកម្មការទី៨ ព្រឹទ្ធសភា
គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការ បានប្រជុំផ្ទៃក្នុងគណៈកម្មការ ដើម្បីពិនិត្យ និងពិភាក្សាលើរបៀបវារៈចំនួន០៣រួមមាន៖
១-បូកសរុបលទ្ធផលការងាររបស់គណៈកម្មការទី៨ព្រឹទ្ធសភា ប្រចាំខែមករា ឆ្នាំ២០២៥ និងទិសដៅការងារខែកុម្ភៈ ឆ្នាំ២០២៥។
២-អំពីការត្រៀមចុះបេសកកម្មរបស់គណៈកម្មការទី៨ព្រឹទ្ធសភា នៅខេត្តមណ្ឌលគិរី ខេត្តរតនគិរី និងខេត្តស្ទឹងត្រែង នៅថ្ងៃទី៣ ដល់ថ្ងៃទី៧ ខែកុម្ភៈ ឆ្នាំ២០២៥។
៣-ពិនិត្យលើបញ្ហាផ្សេងៗ។
កិច្ចប្រជុំប្រព្រឹត្តិទៅនៅសាលប្រជុំគណៈកម្មការទី៨ព្រឹទ្ធសភា នាព្រឹកថ្ងៃសុក្រ ថ្ងៃទី៣១ ខែមករា ឆ្នាំ២០២៥៕
ប្រភព៖ នាយកដ្ឋានព័ត៌មាន
