ឯកឧត្តម ម៉ែន ស៊ីផាន់ ឯកឧត្តម គង់ មុនីកា សមាជិកក្រុមសមាជិកព្រឹទ្ធសភាប្រចាំភូមិភាគទី៦ តំណាងឱ្យលោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចុះជួបសំណេះសំណាលជាមួយនឹងថ្នាក់ដឹកនាំស្រុក ក្រុមប្រឹក្សាឃុំ ស្មៀន និងនាយប៉ុស្តិ៍នគរបាល ឃុំសំរោង ឃុំមេសរថ្ងក និងឃុំទួស្តី ក្នុងស្រុកចន្ទ្រា ខេត្តស្វាយរៀង នាព្រឹកថ្ងៃចន្ទ ទី១០ ខែមីនា ឆ្នាំ២០២៥ នៅសាលាឃុំសំរោង ដោយមានអ្នកចូលរួមសរុបចំនួន៣០នាក់។
នៅក្នុងឱកាសនោះ ឯកឧត្តម ម៉ែន ស៊ីផាន់ បានមានប្រសាសន៍ថា ក្រៅពីបំពេញមុខងារស្នូលទាំងបី គឺមុខងារនីតិកម្ម, មុខងារតាមដានការអនុវត្តច្បាប់ និងមុខងារជាតំណាង ព្រឹទ្ធសភានីតិកាលទី៥ ក្រោមការដឹកនាំប្រកបដោយកិត្តិបណ្ឌិតដ៏ខ្ពង់ខ្ពស់របស់សម្តេចតេជោ ប្រធានព្រឹទ្ធសភា បានដាក់ចេញការងារអាទិភាពច្បងចំនួន២ គឺការគាំទ្រជំរុញ និងលើកកម្ពស់ការទូតសភា ព្រមទាំងឱ្យសមាជិកព្រឹទ្ធសភាដែលជាតំណាង របស់ម្ចាស់ឆ្នោតត្រូវតែផ្សាភ្ជាប់ជាមួយអង្គបោះឆ្នោត នៅថ្នាក់មូលដ្ឋាន។
គោលបំណងនៃការរៀបចំពិធីសំណេះសំណាលនាពេលនេះ គឺដើម្បីផ្សារភ្ជាប់ និងប្រាស្រ័យទាក់ទងជាមួយនឹងអង្គបោះឆ្នោត (សមាជិកក្រុមប្រឹក្សាឃុំ) ដើម្បីផ្លាស់ប្តូរយោបល់ និងរួមគ្នាដោះស្រាយបញ្ហាប្រឈម ព្រមទាំងសំណូមពរនានា របស់ក្រុមប្រឹក្សាឃុំ ស្មៀន និងនាយប៉ុស្តិ៍នគរបាល ក្នុងការផ្តល់សេវាសាធារណៈ និងការអភិវឌ្ឍក្នុងមូលដ្ឋាន ដើម្បីរួមគ្នារិះរកវិធីដោះស្រាយតាមសមត្ថកិច្ចរៀងៗខ្លួនឱ្យមានប្រសិទ្ធភាព ជូនប្រជាពលរដ្ឋ …។
ប្រភព៖ នាយកដ្ឋានព័ត៌មាន
