នៅថ្ងៃទី៩ ខែមិថុនា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា បានដឹកនាំកិច្ចប្រជុំជាមួយឯកឧត្តម លោកជំទាវ ជាប្រធានគណៈកម្មការទាំង១០ ក្រុមសមាជិកភូមិភាគទាំង៨ ក្រុមសមាជិកាព្រឹទ្ធសភា និងគណៈកម្មការក្រមសីលធម៌សភារបស់ព្រឹទ្ធសភា ដើម្បីរៀបចំផែនការសកម្មភាពតាមមូលដ្ឋានសម្រាប់ចន្លោះសម័យប្រជុំលើកទី៣ និងទី៤។
ឯកឧត្តមបណ្ឌិត បានបញ្ជាក់ថា ការរៀបចំផែនការនេះ នឹងជួយឱ្យក្រុមនីមួយៗ អាចត្រៀម និងសម្របសម្រួលជាមួយអ្នកពាក់ព័ន្ធជាមុនបានពីចំងាយ ដើម្បីធានាបាននូវប្រសិទ្ធភាពការងារ ពោលគឺចំណេញទាំងពេលវេលា និងទាំងថវិកា។
គ្រប់ក្រុមទាំងអស់របស់ព្រឹទ្ធសភា បានបេ្តជ្ញាចិត្តបន្តកិច្ចការមូលដ្ឋាន ដោយតាមដានស្វែងយល់បញ្ហាប្រឈម សំណូមពរ និងស្វែងរកដំណោះស្រាយជូនអង្គបោះឆ្នោត ឱ្យប្រកបដោយប្រសិទ្ធភាព និងសក្ដិសិទ្ធិភាព។

ខ្លឹមសារ៖ ខុទ្ទកាល័យអនុប្រធានទី២ព្រឹទ្ធសភា
រូបភាព៖ នាយកដ្ឋានព័ត៌មាន