នាព្រឹកថ្ងៃទី២៥ ខែសីហា ឆ្នាំ២០២៥ ឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញជាអធិបតីក្នុងកម្មវិធីប្រគល់ប័ណ្ណសរសើរជូនសិស្សឆ្នើម នៃសាលាបឋមសិក្សាអាល់ហ៊ីទាយ៉ះ អាល់ឥស្លាមីយ៉ះ នៅឃុំខ្សាច់អណ្ដែត និងឃុំពង្រ ស្រុកឆ្លូង ខេត្តក្រចេះ។ ក្នុងឱកាសនោះដែរ ឯកឧត្ដមក៏បានឧបត្ថមថវិកាមួយចំនួនជូនសិស្សឆ្នើមផងដែរ និងបានផ្ដាំផ្ញើដល់ក្មួយៗសិស្សានុសិស្សទាំងអស់ ឱ្យខិតខំប្រឹងប្រែងសិក្សារៀនសូត្ររហូតទទួលបានសញ្ញាបត្របញ្ចប់ការសិក្សា ដើម្បីជាស្ពានសម្រាប់អនាគតដ៏ភ្លឺស្វាង និងត្រចះត្រចង់។ ឯកឧត្ដមបានបន្ថែមទៀតថា បើយើងឈប់រៀនព្រោះក្រ យើងនឹងក្រព្រោះឈប់រៀន។

ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៨