នាព្រឹកថ្ងៃទី២៨ ខែសីហា ឆ្នាំ២០២៥ ឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចុះត្រួតពិនិត្យទីតាំង និងប្រគល់គម្រោងសាងសង់ផ្ទះជូនប្រជាពលរដ្ឋមានជីវភាពខ្វះខាត ចាស់ជរា និងស្ត្រីមេម៉ាយ ចំនួន៤គ្រួសារ ដើម្បីកាត់បន្ថយភាពក្រីក្រនៅក្នុងសហគមន៍។គម្រោងខាងលើ ជាគម្រោងហ្សាកាត់(បរិច្ចាគ) របស់អង្គការហាសាណះអន្តរជាតិ(HASANE) សហការជាមួយអង្គការមូលនិធិអភិវឌ្ឍន៍មុស្លិមកម្ពុជា(CMDF)។គួរបញ្ជាក់ថា អង្គការអន្តរជាតិ (HASANE)បាននឹងកំពុងធ្វើកិច្ចសហប្រតិបត្តិការជិត១០០ប្រទេស ក្នុងនោះក៏មានកម្ពុជាផងដែរ ដោយបានផ្តល់ជំនួយជាច្រើន តាមរយៈអង្គការ CMDF និងIMAC មានដូចជា ជំនួយសង្គ្រោះបន្ទាន់ ជំនួយកញ្ចប់អាហារខែរ៉ាម៉ាឌន ជំនួយគោគួរពាន គម្រោងជំនួយបរិច្ចាគ(ហ្សាកាត់) ចិញ្ចឹមកុមារកំព្រា ផ្តល់អាហារូបករណ៍ សាងសង់ផ្ទះជូនជនក្រីក្រ និងផ្តល់គោចិញ្ចឹម សរុបជាថវិកាជាង ២លានដុល្លារអាមេរិក៕
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៨
