នាថ្ងៃទី១១ ខែកញ្ញា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា និងលោកជំទាវ បានអញ្ជើញចូលរួមជាមួយសម្តេច វិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ព្រមទាំងក្រុមគ្រួសារ ដើម្បីប្រារព្ធពិធីបង្សុកូលឧទ្ទិសកុសលជូនដល់ដួងវិញ្ញាណក្ខន្ធបុព្វការីជនព្រមទាំងញាតិការ៧សន្តាន ដែលបានបែកកាយរំលាយខន្ធធ្វើមរណកាល កន្លងទៅនោះ និងចូលរួមជាមួយពុទ្ធបរិស័ទចំណុះជើងវត្ត ក្នុងពិធីកាន់បិណ្ឌវេនទី៤ នៅវត្តសុវណ្ណគីរី (ជើងឆ្នុក) ស្ថិតក្នុងឃុំតាំងក្រាំង ស្រុកបាធាយ ខេត្តកំពង់ចាម។
ក្នុងឱកាសនោះដែរ ក៏មានវត្តមានឯកឧត្តម អ៊ុន ចាន់ដា ប្រធានគណៈអភិបាលខេត្តកំពង់ចាម ឯកឧត្តម លោកជំទាវ សមាជិកក្រុមប្រឹក្សាខេត្ត និងសមាជិកក្រុមប្រឹក្សា គណៈអភិបាលស្រុកបាធាយ ៕

ប្រភព៖ ខុទ្ទកាល័យ​ឯកឧត្តម​អនុប្រធាន​ទី២ព្រឹទ្ធសភា