នាល្ងាចថ្ងៃសៅរ៍ ១០កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមីនា ឆ្នាំ២០២៦ ឯកឧត្តម ប្រាក់ ចំរើន អនុប្រធានគណៈកម្មការទី៨ ឯកឧត្តម ស៊ាក ឡេង អនុប្រធានគណៈកម្មការទី១០ លោកជំទាវ ឃួន ឃុនឌី លេខាធិការគណៈកម្មការទី៨ ឯកឧត្តម ឡាន់ ឆន លេខាធិការគណៈកម្មការទី១០ លោកជំទាវ ចឹក ហេង សមាជិកាគណៈកម្មការទី៤ ឯកឧត្តម សុខ ហាច សមាជិកគណៈកម្មការទី៧ និងឯកឧត្តម ញ៉ែម សាម៉ន សមាជិកគណៈកម្មការទី៩ព្រឹទ្ធសភា បានអញ្ជើញចូលរួមក្នុងពិធីបុណ្យទន្លេលើកទី១០ ឆ្នាំ២០២៦ នៅខេត្តក្រចេះ ក្រោមប្រធានបទ «ទន្លេបៃតង បេតិកភណ្ឌវប្បធម៌ និងធម្មជាតិមហាសាល» ក្រោមអធិបតីភាពដ៏ខ្ពង់ខ្ពស់ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅទន្លេមេគង្គ ស្ថិតនៅក្រុងក្រចេះ ខេត្តក្រចេះ។
ពិធីបុណ្យទន្លេធ្លាប់បានប្រារព្ធពិធីចំនួន៩លើករួចមកហើយ ដោយលើកទី១ នៅខេត្តក្រចេះ លើកទី២ នៅខេត្តកំពង់ចាម លើកទី៣ នៅខេត្តស្ទឹងត្រែង លើកទី៤ នៅខេត្តកណ្តាល លើកទី៥ នៅខេត្តកំពង់ឆ្នាំង លើកទី៦ នៅខេត្តបាត់ដំបង លើកទី៧ នៅខេត្តកំពង់ធំ លើកទី៨ នៅខេត្តសៀមរាប និងលើកទី៩ នៅខេត្តតាកែវ
ពិធីបុណ្យទន្លេនេះ ប្រព្រឹត្តទៅមានរយៈពេលចំនួន០៣ថ្ងៃ គឺថ្ងៃទី២៧-២៩ ខែមីនា ឆ្នាំ២០២៦…។
ប្រភព៖ នាយកដ្ឋានព័ត៌មាន
