khmer eng
  • ក្រុមសភាជាតិកម្ពុជា-APF ចូលរួមកិច្ចប្រជុំប្រធានក្រុមសភាជាតិ APF តាមប្រព័ន្ធនិម្មិត
     
    ចែករំលែក ៖

    នារាត្រីថ្ងៃទី២១ ខែកុម្ភៈ ឆ្នាំ២០២២ វេលាម៉ោង ២១:៣០នាទី ក្រុមសភាជាតិកម្ពុជា-APF ដឹកនាំដោយឯកឧត្តម សុខ ឥសាន ប្រធានគណៈកម្មការទី៤ព្រឹទ្ធសភា និងជាអនុប្រធានគណៈកម្មាធិការអចិន្រ្តៃយ៍នៃក្រុមសភាជាតិកម្ពុជា-APF តំណាងឱ្យក្រុមសភាជាតិកម្ពុជា-APF បានអញ្ជើញចូលរួមក្នុងកិច្ចប្រជុំប្រធានក្រុមសភាជាតិ-APF នៃបណ្តាប្រទេស ជាសមាជិកប្រើភាសាបារាំង Parliamentary Assembly of the Francophone (APF) តាមប្រព័ន្ធនិម្មិត នៅសាលប្រជុំពិសេស៣ វិមានព្រឹទ្ធសភា ដែលផ្សាយចេញពីទីក្រុងប៉ារីស ប្រទេសបារាំង។
    កិច្ចប្រជុំបានប្រព្រឹត្តទៅរហូតដល់ម៉ោង ២៣:៣០នាទី ក្រោមអធិបតីភាពឯកឧត្តម Jacques Krabal អគ្គលេខាធិការសភាប្រើភាសាបារាំង ដើម្បីពិនិត្យពិភាក្សាលើរបៀបវារៈដូចខាងក្រោម៖
    ១-ព័ត៌មាននានាស្តីពី សេចក្តីសម្រេចដែលបានអនុម័តនៅឯកិច្ចប្រជុំគណៈកម្មាធិការអចិន្រ្តៃយ៍នៃនៅទីក្រុង Libreville ប្រទេស Côte d’Ivoire កាលពីថ្ងៃទី២៧ និងថ្ងៃទី២៨ ខែមករា ឆ្នាំ ២០២២។
    ២-ការអំពាវនាវឲ្យមានបេក្ខភាពឈរឈ្មោះបោះឆ្នោតទទួលមុខងារ និងតួនាទីនៅក្នុងសភាប្រើភាសាបារាំងនាមហាសន្និបាតលើកទី៤៧ និងមហាសន្និបាតលើកទី៩ នៃសភាយុវជន ដែលនឹងប្រព្រឹត្តទៅខែកក្កដា ឆ្នាំ ២០២២។
    ៣-បច្ចុប្បន្នភាពនៃក្រុមសភាជាតិនីមួយៗ។
    ៤-ការត្រិះរិះពិចារណាក្នុងការរួមវិភាគទានរបស់ក្រុមសភាជាតិនីមួយៗនៅក្នុងក្របខ័ណ្ឌយុទ្ធសាស្រ្តនៃសភាប្រើភាសាបារាំងនាពេលអនាគត។
    ៥-ការសម្របសម្រួលរវាងក្រុមសភាជាតិ និងក្រុមឯកអគ្គរដ្ឋទូតវ័យក្មេងហ្រ្វង់កូហ្វូន ។
    ៦- គំរោងឯកអគ្គរដ្ឋទូតវ័យក្មេងហ្រ្វង់កូហ្វូន។
    ៧- បញ្ហាផ្សេងៗ ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៦  អញ្ជើញសួរសុខទុក្ខលោក ញ៉ែម នេត ប្រធានក្រុមប្រឹក្សាឃុំព្រែកក្របៅ ដែលកំពុងសម្រាកព្យាបាលជំងឺនៅគេហដ្ឋាន
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៦ រៀបចំពិធីសំណេះសំណាលជាមួយក្រុមប្រឹក្សាឃុំ ស្មៀន និងនាយប៉ុស្តិ៍នគរបាល ក្នុងស្រុកពាមជរ
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៣ អញ្ជើញជួបសំណេះសំណាលជាមួយអាជ្ញាធរស្រុកខ្សាច់កណ្តាល ខេត្តកណ្តាល
    thumbnail
     
    ឯកឧត្តម អ៊ុក គង់ បានអញ្ជើញចូលរួមជាកិត្តិយសក្នុងព្រះរាជពិធីស្រោចស្រពព្រះសុគន្ធវារី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា 
    thumbnail
     
    លោកជំទាវបណ្ឌិត អ៊ុក ម៉ាលី បានអញ្ជើញអមដំណើរប្រារព្ធពិធីក្រុងពាលី និងចម្រើនព្រះបរិត្ត នៃព្រះរាជពិធីស្រោចស្រពព្រះសុគន្ធវារី