លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានចូលរួមកិច្ចប្រជុំសមាជិកសភាជាស្រ្តី ក្រោមប្រធានបទ ពង្រឹងការចូលរួមរបស់ស្រ្តី នៅក្នុងការស្តារសេដ្ឋកិច្ចឡើងវិញក្រោយវិបត្តិកូវីដ-១៩
ក្នុងឱកាសចូលរួមកិច្ចប្រជុំប្រចាំឆ្នាំនៃ វេទិកាសភាអាស៊ី-ប៉ាស៊ីហ្វិក លើកទី30 (APPF-30th) នៅទីក្រុងបាងកក ព្រះរាជាណាចក្រថៃឡង់ដ៍ អញ្ជើញដឹកនាំដោយ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា នារសៀលថ្ងៃទី២៦ ខែតុលា ឆ្នាំ ២០២២ វេលាម៉ោង ១៤:០០ លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានចូលរួមកិច្ចប្រជុំសមាជិកសភាជាស្រ្តី ក្រោមប្រធានបទ “ពង្រឹងការចូលរួមរបស់ស្រ្តី នៅក្នុងការស្តារសេដ្ឋកិច្ចឡើងវិញក្រោយវិបត្តិកូវីដ-១៩”។ កិច្ចប្រជុំនេះ ក៏មានការចូលរួមពីបណ្តាប្រទេសដែលជាសមាជិករបស់សភាអាសុី-ប៉ាសុីហ្វិក (APPF) និងការចាប់អារម្មណ៍ថ្លែងនូវបទអន្តរាគមន៍ដោយប្រទេសចំនួន ២២ ក្នុងនោះប្រទេសកម្ពុជាផងដែរ។
