នាព្រឹកថ្ងៃទី០៣ ខែវិច្ឆិកា ឆ្នាំ២០២២ នៅសាលពិសេស៣ វិមានព្រឹទ្ធសភា ឯកឧត្តម កែវ ចាន់ណា អគ្គនាយកនៃអគ្គនាយកដ្ឋានព័ត៌មាន និងទំនាក់ទំនងសាធារណៈ នៃអគ្គលេខាធិការដ្ឋានព្រឹទ្ធសភា បានទទួលជួបពិភាក្សាការងារជាមួយនឹងកញ្ញា Kong Siqi នាយិកាវិទ្យុមិត្តភាពកម្ពុជា-ចិនប្រចាំកម្ពុជា ដើម្បីបង្កើនទំនាក់ទំនង និងកិច្ចសហប្រតិបត្តិការរវាងអគ្គនាយកដ្ឋានព័ត៌មាន និងទំនាក់ទំនងសាធារណៈ នៃអគ្គលេខាធិការដ្ឋានព្រឹទ្ធសភា និងវិទ្យុមិត្តភាពកម្ពុជា-ចិន ប្រចាំកម្ពុជា។ កិច្ចពិភាក្សានេះ ផ្តោតសំខាន់លើការងារសំខាន់ៗមួយចំនួន រួមមាន៖ ១.ការចែករំលែកព័ត៌មានគ្នាទៅវិញទៅមក ២.ការផ្លាស់ប្តូរបទពិសោធន៍ និងចែករំលែកចំណេះដឹងគ្នាទៅវិញទៅមកលើវិស័យព័ត៌មាន ៣.តម្រូវការរបស់អគ្គនាយកដ្ឋានព័ត៌មាន និងទំនាក់ទំនងសាធារណៈ ៤.ស្នើសុំការគាំទ្រលើដំណើរទស្សនកិច្ចសិក្សាឈ្វេងយល់អំពីវិស័យព័ត៌មាននៅសាធារណរដ្ឋប្រជាមានិតចិន។
ប្រភព៖ នាយកដ្ឋានព័ត៌មាន
