នាព្រឹកថ្ងៃទី២៤ ខែវិច្ឆិកា ឆ្នាំ២០២២ ឯកឧត្តម យ៉ង់ សែម ប្រធានគណៈកម្មការទី១ ឯកឧត្តម សុខ ឥសាន ប្រធានគណៈកម្មការទី៤ ឯកឧត្តម ឈិត គឹមយាត ប្រធានស្តីទីគណៈកម្មការទី៥ និងឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា បានអញ្ជើញចូលរួមក្នុងការបន្តសម័យប្រជុំពេញអង្គលើកទី២ នៃមហាសន្និបាតអន្តរសភាអាស៊ានលើកទី៤៣ (ASEAN Inter-Parliamentary Assembly (AIPA-43) ក្រោមមូលបទ «បោះជំហានជាមួយគ្នា ដើម្បីចីរភាព បរិយាបន្ន និងភាពធន់របស់អាស៊ាន» ក្រោមអធិបតីភាពឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និងជាប្រធានក្រុមរដ្ឋសភាជាតិអាយប៉ាកម្ពុជា នៃមហាសន្តិបាតអន្តរសភាអាស៊ានលើកទី៤៣ នៅសណ្ឋាគារសុខា រាជធានីភ្នំពេញ។ ការបន្តសម័យប្រជុំពេញអង្គលើកទី២នេះ ប្រព្រឹត្តទៅដោយមានសេចក្តីរាយការណ៍ និងអនុម័តលើរបាយការណ៍៖ ១.គណៈកម្មាធិការកិច្ចពិភាក្សាជាមួយសភាសង្កេតការណ៍ ២.កិច្ចសវនាការរវាងអាយប៉ា-អាស៊ាន ៣.គណៈកម្មាធិការបូកសរុប ៕
ប្រភព៖ នាយកដ្ឋានព័ត៌មាន
