ឯកឧត្តម សុខ ឥសាន ប្រធានគណៈកម្មការទី៤ នៃព្រឹទ្ធសភា និងជាប្រធានគណៈកម្មការនយោបាយនៃក្រុមសភាជាតិកម្ពុជា-APF បានអញ្ជើញចូលរួមកិច្ចប្រជុំគណៈកម្មការនយោបាយនៃសមាគមសភាប្រើភាសាបារាំង (APF)
កាលពីថ្ងៃទី១៩ ខែមេសា ឆ្នាំ ២០២៣ នៅសាលប្រជុំ Médecis នៃព្រឹទ្ធសភាបារាំង ឯកឧត្តម សុខ ឥសាន ប្រធានគណៈកម្មការទី៤ នៃព្រឹទ្ធសភា និងជាប្រធានគណៈកម្មការនយោបាយនៃក្រុមសភាជាតិកម្ពុជា-APF បានអញ្ជើញចូលរួមកិច្ចប្រជុំគណៈកម្មការនយោបាយនៃសមាគមសភាប្រើភាសាបារាំង (APF) ក្រោមអធិបតីភាព ឯកឧត្តម Christophe-André Frassa ប្រធានគណៈកម្មការនយោបាយ។ នៅក្នុងកិច្ចប្រជុំនោះ ឯកឧត្តម សុខ ឥសាន បានថ្លែងអំពីសភាពការណ៍បច្ចុប្បន្នភាពកម្ពុជា និងបានថ្លែងអំណរគុណ បន្ទាប់ពីឯកឧត្តម Christophe-André Frassa បានលើកឡើងអំពីរបាយការណ៍ស្តីពី បេសកកម្មសុឆន្ទៈរបស់គណៈប្រតិភូ APF នៅកម្ពុជា កាលពីចុងឆ្នាំ ២០២២ កន្លងទៅនេះ។
បន្ទាប់ពីសម្រាកកិច្ចប្រជុំ គណៈប្រតិភូបានទស្សនាព្រឹទ្ធសភាបារាំងមគ្គុទ្ទេសដោយ ឯកឧត្តម
Christophe-André Frassa ។
