នារសៀលថ្ងៃទី២៨ ខែមិថុនា ឆ្នាំ២០២៣ នៅសាលប្រជុំពិសេស៣ វិមានព្រឹទ្ធសភា ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានទទួលជួបពិភាក្សាការងារជាមួយនឹងគណៈប្រតិភូខេត្តហុកកៀន នៃសាធារណរដ្ឋប្រជាមានិតចិន ដឹកនាំដោយលោក Liu linshuang ទីប្រឹក្សារដ្ឋបាលក្រុងឈានចូវ ដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា។ជំនួបពិភាក្សានេះក្នុងគោលបំណង៖ ១-ទាក់ទាញវិនិយោគមកកាន់ប្រទេសកម្ពុជាដោយបច្ចុប្បន្នខេត្តព្រះសីហនុគឺជាគំរូភាពមួយនៃពាណិជ្ជកម្មដែលមានលំនាំតាមក្រុងស៊ិនជិនរបស់ប្រទេសចិន ២-បង្កើនបរិមាណទេសចរចិនកាន់តែច្រើនមកកាន់កម្ពុជា ៣-ពិនិត្យលទ្ធភាពដល់ការចងស្ពានមេត្រីភាពលើការបណ្តុះបណ្តាលជំនាញនានា ជាពិសេសវិស័យបច្ចេកវិទ្យាព័ត៌មានវិទ្យា។ ៤-លើកទឹកចិត្តដល់សង្គមស៊ីវិលនានាក្នុងក្រុងឈានចូវចូលរួមចំណែកជួយអភិវឌ្ឍសង្គមកម្ពុជា៕
ប្រភព៖ នាយកដ្ឋានព័ត៌មាន
