នៅថ្ងៃទី១៥ ខែតុលា ឆ្នាំ២០១៩ ឯកឧត្តម អ៊ុំ សារឹទ្ធ អគ្គលេខាធិការ ព្រឹទ្ធសភា បានអព្ជោីញបន្តចូលរួមកិច្ចប្រជុំសមាគមអគ្គលេខាធិការសភាពិភពលោក ដោយអង្គប្រជុំបានលេីកយកប្រធានបទសំខាន់ៗ ដូចខាងក្រោម មកធ្វេីការពិភាក្សា ៖
១-កិច្ចពិភាក្សាទូទៅ ស្តីពីការអនុវត្តច្បាប់: វិធីសាស្រ្ត សម្រាប់សភាអនុវត្តមុខងារត្រួតពិត្យ។
២-ការវាយតម្លៃស្តីពីការយល់ដឹងរបស់សាធារណ:ជន អំពីកិច្ចការសភា ផ្អែកលេីលទ្ធផលរបស់គណ:កម្មការឯករាជ ដែលបានសិក្សាអស់រយ:ពេល ៤ ឆ្នាំ នៅសភាអាហ្រិ្វកខាងត្បូង ។
៣-ស្ថាននីយ៍ទូរទស្សន៍ របស់ព្រឹទ្ធសភាឥណ្ឌា និងតួនាទីរបស់ស្ថានីយ៍នេះ ក្នុងការពង្រឹងការជឿទុកចិត្ត រវាងសភា និងប្រជាជន ។
៤-កិច្ចពិភាក្សាទូទៅស្តីពី ធ្វេីអោយអ្នកបាត់បង់នីតិសម្បទា យល់ដឹងអំពីការងារសភា : គំរូល្អៗនៃការអនុវត្ត ។
៥-ការធ្វេីយ៉ាងណាអោយប្រជាជនយល់ដឹងអំពីការអនុវត្តរបស់សភា សហព័ន្ធប្រេស៊ីល។
ឆ្លៀតក្នុងឱកាសនោះ ឯកឧត្តម អ៊ុ សារឹទ្ឋ បានជួបពិភាក្សាជាមួយឯកឧត្តម Muhammad Anwar អគ្គលេខាធិការព្រឹទ្ធសភា ប៉ាគីស្ថាន ។ ឯកឧត្តមបានជម្រាបភាគីប៉ាគីស្ថានថា កម្ពុជាបានសម្រេចចិត្តគាំទ្របេក្ខភាពសមាជិកសភាប៉ាគីស្ថានជាសមាជិកគណ:កម្មការប្រតិបត្តិរបស់ សហភាពអន្តរសភា។ អគ្គលេខាធិការប៉ាគីស្ថាន បានថ្លែងអំណរគុណ ហេីយបានសន្យាថា នឹងជួយគាំទ្រកម្ពុជាវិញនៅពេលអនាគត បេីសិនកម្ពុជាមានសំណូមពរ។ ទន្ទឹមនេះ ភាគីទាំងពីរឯកភាពគ្នា ផ្លាស់ប្តូរទៅវិញទៅមក សម្រាប់កម្មវិធីបណ្តុះបណ្តាល ។
