គណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះមហាក្សត្រ SheikhNAWAF AL-AHMADAL-JABER AL-SABAH នៃរដ្ឋគុយវ៉ែត
នារសៀលថ្ងៃទី១៩ ខែធ្នូ ឆ្នាំ២០២៣ គណៈប្រតិភូព្រឹទ្ធសភានៃព្រះរាជាណាចក្រកម្ពុជា ដឹកនាំដោយឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា បានអញ្ជើញដាក់គម្រងផ្កាគោរពវិញ្ញាណក្ខន្ធព្រះមហាក្សត្រ SheikhNAWAF AL-AHMADAL-JABER AL-SABAH នៃរដ្ឋគុយវ៉ែត នៅស្ថានទូតនៃរដ្ឋគុយវ៉ែតប្រចាំព្រះរាជាណាចក្រកម្ពុជា។
ក្នុងឱកាសដ៏ក្រៀមក្រំនេះ ក្នុងនាមព្រឹទ្ធសភា ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា បានចូលរួមរំលែកទុក្ខយ៉ាងក្រៀមក្រំបំផុតចំពោះព្រះរាជវង្សានុវង្ស និងប្រជាជននៃរដ្ឋគុយវ៉ែត។
សូមជម្រាបថា ព្រះមហាក្សត្រ SheikhNAWAF AL-AHMADAL-JABER AL-SABAH យាងចូលទីវង្គតនៅថ្ងៃសៅរ៍ ទី១៦ ខែធ្នូ ឆ្នាំ២០២៣ ក្នុងព្រះជន្មាយុ ៨៦ព្រះវស្សា។
ប្រភព៖ នាយកដ្ឋានព័ត៌មាន
