ឯកឧត្តមបណ្ឌិត ធន់ វឌ្ឍនា អញ្ជើញដឹកនាំគណៈប្រតិភូធ្វើដំណើរទៅចូលរួមកិច្ចប្រជុំគណៈកម្មាធិការអចិន្រ្ដៃយ៍ស្ដីពី កិច្ចការសង្គម និងវប្បធម៌ នៃសភាតំបន់អាស៊ី (APA)
នាព្រឹកថ្ងៃអង្គារ ៧ រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកញ្ញា ឆ្នាំ២០២៤ នៅអាកាសយានដ្ឋានអន្តរជាតិភ្នំពេញ ឯកឧត្តមបណ្ឌិត ធន់ វឌ្ឍនា ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម (គណៈកម្មការទី២) នៃព្រឹទ្ធសភា បានដឹកនាំគណៈប្រតិភូធ្វើដំណើរទៅសហព័ន្ធរុស្ស៊ី ដើម្បីអញ្ជើញចូលរួមកិច្ចប្រជុំគណៈកម្មាធិការអចិន្រ្ដៃយ៍ស្ដីពី “កិច្ចការសង្គម និងវប្បធម៌ នៃសភាតំបន់អាស៊ី (APA)” ចាប់ពីថ្ងៃទី២៥-២៨ ខែកញ្ញា ឆ្នាំ២០២៤ នៅទីក្រុងម៉ូស្គូ។
