នាព្រឹកថ្ងៃសៅរ៍ ទី០៨ ខែកុម្ភៈ ឆ្នាំ២០២៥ លោកជំទាវ ម៉ាណ ណាវី សមាជិកាក្រុមសមាជិកព្រឹទ្ធសភាប្រចាំភូមិភាគទី១ អញ្ជើញចូលរួមពិធីចែកអំណោយដល់ប្រជាពលរដ្ឋក្រីក្រចំនួន៣០០គ្រួសារ មកពីសង្កាត់ច្រាំងចំរេះទី១ និងសង្កាត់ច្រាំងចំរេះទី២ ក្រោមអធិបតីភាព ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស ពិធីចែកអំណោយនេះ រៀបចំឡើងដោយសមាគមសម្របសម្រួល និងអភិវឌ្ឍន៍សង្គម សហការជាមួយសមាគមពិភពលោកនៃក្ដីមេត្តា នៃរដ្ឋកូវ៉ែត ដើម្បីអបអរសាទរក្នុងឱកាសពិធីបុណ្យឯករាជ្យជាតិកូវ៉ែតលើកទី៦៤ អំណោយផ្តល់ជូនក្នុងមួួយគ្រួសារទទួលបានរួមមាន៖ អង្ករ ២០គីឡូក្រាម មី១កេស ស្ករ ២ គីឡូក្រាម ប្រេងឆា២លីត្រ ទឹកដោះគោ៤កំប៉ុង និងត្រីខ ១០កំប៉ុង ៕
