នាព្រឹកថ្ងៃពុធ ទី២ ខែមេសា ឆ្នាំ២០២៥ ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) បានអនុញ្ញាតឱ្យគណៈប្រតិភូមូលនិធិចែករំលែកសង្គ្រោះជីវិតសកលនៃសាធារណៈរដ្ឋកូរ៉េ (Global Life Sharing) ដឹកនាំដោយ ឯកឧត្តម ByongJang Min តំណាង Global Life Sharing ប្រចាំនៅកម្ពុជា ចូលជួបពិភាក្សាការងារ និងសម្តែងការគួរសម នៅបន្ទប់ប្រជុំគណៈកម្មការទី១០ព្រឹទ្ធសភា។

ជំនួបខាងលើនេះ ក្នុងគោលបំណងពង្រឹងពង្រីកទំនាក់ទំនង និងកិច្ចសហប្រតិបត្តិការដែលមានស្រាប់ ឱ្យកាន់តែល្អប្រសើរថែមទៀត តាមរយៈការផ្លាស់ប្តូរព័ត៌មានអំពីការរៀបសម្របសម្រួលអំណោយមនុស្សធម៌លើកទី៩ និងលើកទី១០ របស់មូលនិធិចែករំលែកសង្គ្រោះជីវិតសកលនៃប្រទេសកូរ៉េ មកកាន់ព្រឹទ្ធសភានៃព្រះរាជាណាចក្រកម្ពុជា ឱ្យបានទាន់ពេលវេលា និងស្របតាមតម្រូវពិតប្រាកដរបស់ប្រជាពលរដ្ឋក្រីក្រ និងងាយរងគ្រោះនៅកម្ពុជា…។

ប្រភព៖ នាយកដ្ឋានព័ត៌មាន